Hizlariak

Agustin Azkarate: Ondare Eraikiari buruzko Ikerketa Taldeko (GPAC) eta UNESCOren Paisaia Kulturalak eta Ondarea katedrako zuzendaria da. Irakaslea da hirugarren graduan. Antzinaro Berantiarreko (k.o. VI-VII. mendeak) nekropolien talde bat aztertu zuen hasierako ikerketetan; garai hartako historiografian oihartzuna zuten nekropolien taldea, alegia.

Azken urteotan, arkitekturaren arkeologian eta paisaia kulturalen eremuan dabil lanean (Santa Maria katedrala, Armentiako basilika, Añanako Gatz Harana, Gasteiz sortu aurretiko harresiak, Punta Begoñako galeriak).

Duela gutxi, kontinente amerikarrean kokatuta dauden hainbat proiekturekiko konpromisoa hartu du, GPAC eta UNESCO katedratik.